Сустрэча Папы са сьвятарамі, законнікамі, законніцамі ды сэмінарыстамі ў Марыяцэль.
"Вы - сьвятары, законнікі, законніцы ёсьць слугамі і слугінямі місіі Хрыста. Госпад
кліча сьвятароў, законнікаў і законніц ды сьвецкіх асоб увайсьці ў сьвет, ў ягоную
сапраўднасьць, дзеля супрацоўніцтва там у пабудове Божага Каралеўства. Госпад вас
запрашае да паломніцтва з Ім і да ўдзельнічаньня ў Ягоным жыцьці, якое яшчэ і сёньня
ёсьць Крыжоваю Дарогаю, дарогаю Уваскрасеньня. "
Пасьля абеду Папа разьвітаўся з айцамі бэнэдыктынцамі і прыбыў а гадзіне 16,40 паводле
рымскага часу да Санктуарыя ў Марыяцэль. Тут адслужыу Вячэрню разам са сьвятарамі,
законнікамі, дыяканамі ды сэмінарыстамі. На пачатку набажэнства прывітаў Бэнэдыкта
16-га біскуп Грацу монс. Эгон Капэляры. У сваім разважаньні да прысутных Папа сказаў:
Ад многіх пакаленьняў людзі моляцца тут. Жадаюць падзякаваць Богу за ўсе атрыманыя
ласкі. Вы сьвятары, законнікі, законніцы ёсьць слугамі і слугінямі місіі Хрыста.
Госпад кліча сьвятароў, законнікаў і законніц ды сьвецкіх асоб увайсьці ў сьвет, ў
ягоную сапраўднасьць, дзеля супрацоўніцтва там у пабудове Божага Каралеўства. Госпад
вас запрашае да паломніцтва з Ім і да ўдзельнічаньня ў Ягоным жыцьці якое яшчэ і сёньня
ёсьць Крыжоваю Дарогаю, дарогаю Уваскрасеньня. Госпад кліча вас да адзінай веры. Гэты
запавет Хрыста- сказаў далей Папа- значыць для Касьцёла, для сьвятароў, законнікаў
і законніц як і для ўсіх ахрышчаных: заангажаваньне быць прысутнымі у сьвеце як яго
сьведкі. Давайце сьведчаньне той Любові, якая ахвяравала Сябе за людзей і такім чынам
перамагля сьмерць. Романо Гурдіні ў сваёй аўтабіяграфіі піша: “Ісус прысутны у
нас у канкрэтны спосаб толькі ў сваім целе, значыць Касьцёлу”. Дзеля гэтага паслухмянасьць
Божай волі, паслухмянасьць Ісусу Хрысту, павінна быць вельмі канкрэтнаю ў ціхай паслухмянасьці
Касьцёлу- завершыў сваю прамову Бэнэдыкт 16.
Пасьля гэтае сустрэчы ў санктуарыі
Марыяцэль Сьвяцейшы Айцец адправіўся ў паваротную дарогу ў Вену. У Апостальскую Нунцыятуру
Бэнэдыкт 16 павінен прыбыць каля гадзіны 20-ё паводле рымскага часу. Такім чынам
закончыўся другі дзень Апостальскага Падарожжа Папы ў Аўстрыю. Нядзеля 9-га верасьня
будзе апошнім днём візыту. Vespri Mariani