Пачалося Апостальскае Падарожжа Папы Бэнэдыкта 16 ў Аўстрыю
У пятніцу 7-га верасьня
Сьвяцейшы Айцец пачаў сваё 7-е Апостальскае Падарожжа па-за межы Італіі. Нагодаю
візіту ў Аўстрыю зьяўляецца 850-ці годдзе нацыянальнага марыйнага санктуарыя ў Марыяцэль. Самалёт
Папы прызямліўся на міжнародным лётнішчы Швэхат у Вене каля гадзіны 11-10 рымскага
часу. Тут прывіталі Сьвяцейшага Айца найвышэйшыя царкоўныя ды цывільныя ўлады Аўстрыі.
У сваёй прывітальнай прамове Папа падзякаваў Прэзыдэнту Аўстрыі спадару Фішэру за
сардэчныя словы прывітаньня як ад сябе так ад цэлага аўстрыйскага народу. Матывам майго
прыбыцья ў Аўстрыю ёсьць 850-ці годдзе ўзьнікненьня марыйнага санктуарцыя ў Марыяцэль,
які зьяўляецца матчыным сэрцам Аўстрыі. Ёсьць сімвалям адкрыцьця, якое перавышае
не толькі геаграфічныя і нацыянальныя межы, але ў асобе Марыі чалавек адкрываецца
на Слова Божае ды яго Праўду. Марыяцэль прадстаўляе не толькі сваю гісторыю, але
паказвае таксама дарогу у будучыню. Я ведаю- сказаў на заканчэньне сваёй прывітальнай
прамовы Папа- што ў Аўстрыі многія асобы заангажаваныя ў валантарыяце, ў служэньні
іншаму. Той, хто глядзіць на бліжняга- яго бачыць ды робіць яму дабро- глядзіць на
Хрыста і служыць Яму.
Затым Папа адправіўся на плошчу Ам Гоф, дзе перад
Касьцёлам, як яго называцюь “харвацкае супольнасьці”, перад Марыунсаўле ( калонаю
Марыі) адбылася марыйная малітва. Сьвяцейшага Айца прывітаў бурмістр Вены а на плошчы
былі прысутнымі ўсе аўстрыйскія біскупы. Было прысутных больш за тысячу асоб. Са
словам да Папы зьвярнуўся кардынал Шэнборн. Бэнэдыкт 16 у сваёй прамове сказаў, што
як першы этап свайго паломніцтва ў Марыяцэль выбраў Марыенсаўле, дзеля таго, каб абмеркаваць
значэньне Марыі для Аўстрыі ў мінулым ды ў цяперашнім часе, як таксама Яе значэньне
для кожнага з нас ды даручыў ўвесь аўстрыйскі народ заступніцтву Найсьвятой Дзевы
Марыі. Перад абедам у Апостальскай Нунцыятуры у Вене Папа яшчэ наведаў плошчу Юдэнпляц
дзе застрымаўся перад Мемарыялам аўстрыйскіх ахвяраў Шоа. Тут, разам з галоўным рабінам
Вены ды з гэбрэйскаю супольнасьцю Папа на працягу некалькіх мінут засяродзіўся ў
малітве.