На думку кардынала Шенборна, вiзiт Папы у Аўстрыю - гэта перад усiм пiлiгрымка, а
не пастырскае падарожжа.
Вiзiт Свяцейшага Айца Бенедыкта XVI° у Аўстрыю ў першую чаргу з’яўляецца пiлiгрымкай,
а не пастырскiм падарожжам у звычайным сэнсе. Гэта заявiў кардынал Шенборн пад час
прэсавай канфярэнцыi, якая прайшла ў Вене. “У сувязi з гэтым не прадугледжана экуменiчных
i межрэлiгiйных спатканняў”, - адзначыў аўстрыйскi арцыбiскуп. Аднак вiзiт мае
экуменiчныя рысы: Папа накiраваў пасланне Трэццяму Еўрапейскаму Экуменiчнаму спатканню
ў румынскi горад Сiбiу. Кардынал Шенборн у прыватнасцi сказаў: “Калi я, разам
з бiскупам Капелларi, знаходзiўся ў гасцях у Папы ў Кастэльгандольфо, ён прыняў нас
са словамi, што яго пасланне Трэццяму Еўрапейскаму Экуменiчнаму спатканню толькi што
завершана”. Наведванне Свяцейшым Айцом Аўстрыi шчыльна злучана са спатканнем у
трансiльванскiм горадзе Сiбiу.