Адбылася яна на Плошчы Сьвятога Пятра. Бэнэдыкт 16 прыбыў на яе са сваей летняй
рэзыдэнцыі ў Кастэльгандольфо, блізка Рыму. Прысутнічала на ёй больш за 16-ць тысяч
вернікаў. У сваёй сёньняшняй катахэзе Папа працягваў свой цыкл пра Настаўнікаў
Царквы. Сёньняшняя катахэза была зноў прысьвечана Сьвятому Рыгору з Нісы Працягваючы тэму
папярэдняе нашае катахэзы аб Сьвятым Рыгору з Нісы зьвернем сёньня ўвагу на галоўныя
тэмы яго навучаньня. Належаць да іх годнасьць чалавека, патрэба імкненьня да дасканаласьці,
прысутнасьць Хрыста ў бедных і патрабуючых ды неабходнасьць малітвы. Сьвяты Рыгор
прыпомніў- сказаў далей Папа- што годнасьць чалавека вынікае з таго факту, што быу
ён створаны на Божы вобраз. Як стварэньне мае ён заданьне, каб пастаянна ўдасканальвацца
на працягу ўсяго жыцьця. Трэба такім чынам адкінуць зло а імкнуцца да дабра, справядлівасьці
і сьвятасьці. Трэба ў сумленьні- зноў сказаў Бэнэдыкт 16- пастаянна кантраляваць
уласныя думкі, словы і чыны, ацэньваць ці яны набліжаюць нас да Хрыста ці ад Яго аддаляюць. Вонкавым
выяўленьнем нашага падабенства да Хрыста ёсьць, паводле Сьвятога Рыгора, нашае стаўленьне
адносна бедных і патрабуючых. Гэта ў іх асабліва прысутны Хрыстос. Таму Сьвяты Рыгор
настойліва заахвочвае, каб дапамагаць ім, дзелячыся сваімі дабрамі, стаючыся ўражлівымі
на іх цяжкую долю. Прыпомніў таксама, што ў імкненьні да дасканаласьці неабходнаю
зьяўляецца нашая малітва. Дзякуючы ёй- сказаў на заканчэньне сваёй катахэзы Сьвяцейшы
Айцец- кожны чалавек знаходзіцца ў блізкасьці з Богам. Цераз малітву можна ўзмацаваць
дух, вымаліць патрэбныя ласкі, пераадолець цяжкасьці. Пазбегнуць граху і зла. Дзякуючы
такім паводзінам чалавек можа чакаць апошняе сустрэчы з Богам у Яго Каралеўстве.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Блаславенства.