III° Мiжхрысцiянская асамблея пад назвай “Святло Хрыста асвятляе ўсiх. Надзея на
аднаўленне i еднасць у Еўропе” пройдзе з 4 да 8 верасня ў румынскiм горадзе Сiбiу. “Мы
жадалi б, каб асамблея дала рэальныя адказы на шматлiкiя пытаннi, якiя стаяць перад
хрысцiянамi Еўропы”, - заявiў кiраўнiк Сакратарыята па мiжхрысцiянскiм зносiнам Аддзела
знешнiх царкоўных зносiнаў Маскоўскага патрыярхата святар Iгар Выжанаў. Ён паведамiў,
што ў мерапрыемстве прыйме ўдзел 2 з паловай тысячы чалавек. Айцец Iгар асаблiвым
чынам адзначыў, што спатканне павiнна быць “не проста месцам прыгожых зносiнаў i громкiх,
але безкарысных фразаў, а месцам супольнай стратэгii хрысцiянаў у сучасным свеце”. Праваслаўны
святар умоўна назваў асамблею ў Сiбiу “праваслаўным этапам” межхрысцiянскага дыялога,
адзначыўшы, што Румынiя – гэта краiна праваслаўнай большасцi. Святар нагадаў,
што перад гэтай асамблеяй праходзiлi спатканнi хрысцiянаў у студзенi 2006 года ў Рыме
(так званы, “каталiцкi этап”) i ў лютым 2007 года ў Вiттэнбергу (“пратэстанстскi этап”). III°
Мiжхрысцiянская асамблея арганiзавана Канфярэнцыяй еўрапейскiх Цэркваў, у якой прадстаўлены
перад усiм пратэстанты i праваслаўныя, i Радай бiскупскiх канфярэнцый Еўропы, якая
прадстаўляе католiкаў. Такiм чынам, - зазначыў а.Iгар, - асамблея ахоплiвае ўвесь
спектр еўрапейскiх хрысцiянскiх канфесiй. “Гэта вельмi магутнае, прадстаўнiчае спатканне,
i было б добра, каб ягоны голас быў пачуты ў Еўропе”, - сказаў святар Маскоўскага
Патрыярхата.