Ut Unum Sint – 40 vjet ekumenizëm

(04.09.2007 RV)Të dashur dëgjues, sëbashku me Asamblenë III Ekumenike Evropiane, nga e cila shpresohet të hidhen hapa të tjera përpara në rrugën e ekumenizmit, për t’i dhënë Evropës shembullin e vlerat në të cilat duhet të realizohet një bashkim i mundshëm i popujve, programi shqip i Radio Vatikanit fillon një cikël emisionesh të përditshme, që i kushtohen krejtësisht përshkrimit të rrugës ekumenike të kryer deri tani. Në të përshkruhen etapat, personazhet e rëndësia që ka pasur karizma e tyre personale për t’i dhënë një shtysë bashkimit të të krishterëve, sukseset e vështirësitë, dëshira për të arritur drejt atij uniteti të kërkuar nga vetë Krishti: “që të gjithë të jenë një”.
Të dëgjojmë sot pjesën e parë të kësaj rruge të gjatë mëse 40-vjeçare…