У Тэзэ адзначылi гадавiну з дня смерцi брата Рожэ.
Пасля двух гадоў пасля трагiчнай смерцi брата Рожэ экуменiчная суполка Тэзэ малiтоўна
прыпамiнае яе заснавальнiка. “Яго сведчанне хрысцiянскай веры i экуменiчнага дыялога
было каштоўным сведчаннем для цэлых пакаленняў маладых людзей”. Такiмi словамi , прамоўленымi
ў Кастэльгандольфо 16 жнiўня, Свяцейшы Айцец прыпомнiў заснавальнiка мiжканфiсыйнай
суполкi на поўднi Францыi, у Тэзэ. Аб нябожчыку гаворыць сучасны галава суполкi –
брат Алаiз: “Брат Рожэ, як i Ян Хрысцiцель, жадаў сведчыць аб прысутнасцi Бога, а
не ставiць сябе ў цэнтр увагi. Гэта мы бачым сёння, праз два гады пасля яго забiцця,
у маладых людзях, якiя ў аграмаднай колькасцi працягваюць прыязджаць да нас на шматлiкiя
спатканнi”. “Тут у нас, кожны тыдзень бываюць маладыя людзi з розных Цэркваў,
праваслаўныя i католiкi, а таксама пратэстанты. Яны бываюць тут, каб садзейнiчаць
справе экуменiзма. Вельмi важнай ёсць, такiм чынам, агульная малiтва. Штодзённа, тры
разы на дзень, мы молiмся разам, я думаю, што гэта можа указаць шлях экуменiзму”,
- зазначыў сучасны галава суполкi Тэзэ брат Алаiз.