Турэцкiя ўлады не даюць магчымасцi галаве хрысцiянаў Кiпра спаткацца з Сусветным Патрыярхам.
Урад Турцыi другi раз за апошнiя месяцы не дазволiў галаве Кiпрсакай Праваслаўнай
Царквы архiепiскапу Хрызастому II° нанесцi вiзiт Патрыярху Канстантынопальскаму Барталамею
I°. Як паведамiла пасольства Кiпрскай Рэспублiкi пры Ватыкане, спаслаўшыся на
царкоўныя колы ў Нiкасii, архiепiскап Хрызастом II° мае намер звярнуцца да Сусветнай
рады Цэркваў i да Свяцейшага Айца Бенедыкта XVI° са спецыяльным пасланнем з мэтай
прыцягнуць увагу да гэтай праблемы. Галава Кiпрскай Праваслаўнай Царквы заявiў,
што ўсё адно спаткаецца з Сусветным Патрыярхам Барталамеям I° “у iншым месце”, каб
выказаць яму падзяку за падтрымку законных праў кiпрскага народа. Архiепiскап
падкрэслiў, што не iснуе рознагалосся памiж праваслаўнымi кiпрыётамi i iх мусульманскiмi
братамi ў паўночнай частцы вострава. Сапраўдная праблема, па меркаванню галавы праваслаўных
Кiпра, заключана ва “умешальнiцтве турэцкага ўрада, якi блакуе любыя спробы iнтэграцыi
i ўстанаўлення клiмата ўзаемнай павагi памiж двума грамадамi”. Гэта заява была
зроблена пасля некалькiх дзён, калi мелi месца факты парушэння праў хрысцiянаў-кiпрыётаў
у зоне, акупаванай турэцкiмi войскамi, калi мясцовая палiцыя забаранiла групе вернiкаў-хрысцiянаў
уваходзiць у манастыр Святога Барнабы, што знаходзiцца на поўначы Кiпра.