Чалавек не можа лічыцца адукаваным, калі не мае ведання асноў рэлігіі. Такую думку
выказаў Патрыяршы Экзарх усяе Беларусі Філарэт. Уладыка парадаваўся, што школа і
рэлігія больш не разглядаюцца як нешта несумяшчальнае.
Пасля паднісання Праграмы супрацоўніцтва на 2007-2010 гг. між Міністэрствам адукацыі
і Беларускай праваслаўнай Царквой Мітрапаліт Мінскі і Слуцкі, экзарх Філарэт адзначыў,
што неабходны сумесныя намаганні бацькоў, педагогаў і духавенства ў справе адукацыі.
Толькі так можна выхаваць духоўна багатага чалавека з добрымі ведамі. Задача - навярнуць
моладзь, усю нацыю на высокія духоўныя ідэалы. Гэта агульная мэта Царквы, сям'і
і школы. Ужо ёсць і вынікі такіх сумесных намаганняў. Патрыярх Філарэт назваў нават
статыстыку: дзіцячая злачыннасць летась знізілася на 10 працэнтаў, а сёлета ўжо на
20. Напрыклад, плён дала духоўна-асветніцкая акцыя "Сям'я - уз'яднанне і любоў",
праведзеная ў Слуцку. Яна прыклікала ўвагу грамадскасці ўсяе рэспублікі да важнасці
аховы сямейных каштоўнасцей і да праблем выхавання. Патрыяршы экзарх усяе Беларусі
зазначыў прынагодна, што вялікае значэнне тут мае таксама папаўненне фондаў бібліятэк
школ краіны тэматычнымі кнігамі .