(26.07.2007 RV)Alarmi cunami që u dha sot paradite në arqipelagun e Molukeve,
në Indonezinë lindore, përfundoi. Shërbimi meteorologjik indonezian e shpalli, pas
tërmetit prej 7,4 gradë të shkallës Rihter, që goditi ishujt. Ndërkaq, lajm tjetër
frikësues vjen po nga Indonezia. Në ishullin e Javës, një sëmundje e panjohur ka shkaktuar
vdekjen e 8 personave dhe ka infektuar 22 të tjerë. Mjekët deklarojnë se nuk kemi
të bëjmë me gripin e pulave, apo SARS-in, që pati pushtuar arqipelagun vitet e kaluara.
Situata është sheqësuese, pasi deri tani nuk dihet se cili është virusi, apo bakteri
që shkakton sëmundjen, simptomat e së cilës janë të vjellat dhe spazmat. Mjekët po
kërkojnë një virus apo bakter që godet një organ specifik, si mëlçinë për shembull.