Serbia kërcwnon shtetet që do të njohin pavarësinë e Kosovës
(25.07.2007 RV)Parlamenti i Beogradit miratoi sot rezolutën me të cilën Kosova
deklarohet pjesë e pandashme e Serbisë. Gjithashtu, teksti paralajmëron rishikimin
e marrëdhënieve diplomatike me të gjitha shtetet që mund ta njohin pavarësinë e Kosovës.
Ndaj Prishtinës, parashikohet një “përgjigje energjike”, nëse shpall pavarësinë.
12
vjet pas emetimit të mandatit të parë të arrestit për gjeneralët serbë, Ratko Mladiq
dhe Radovan Karaxhiq, kryeprokurorja e Gjykatës së Hagës, Karla del Ponte kërkoi
sot rishtas arrestimin e tyre. Thirrja u drejtohet të gjitha shteteve, ku këta
kriminelë lufte mund të fshihen: Bosnjës (sidomos Republikës serbe), Serbisë dhe Malit
të Zi. Është e papranueshme, shkruan Del Ponte, që dy kriminelët më të njohur të pas-Luftës
II Botërore nuk janë arrestuar akoma. Mladiq dhe Karaxhiq akuzohen për genocid në
Srebrenicë dhe për krime kundër njerëzimit.