(17.07.2007 RV)Siria është gati të rifillojë bisedimet me Izraelin, nëse shteti
hebraik impenjohet t’i kthejë asaj Golanin. Deklarata është e presidentit Bashar Asad,
me rastin e fillimin të mandatit të tij të dytë 7-vjeçar. Javës që kaloi, kryeministri
izraelit Ehud Olmert i ofroi Sirisë rihapjen e negociatave pa ndërmjetësimin amerikan.
Moska
nuk është në krizë politike me pjesën tjetër të botës perëndimore vetëm për çështjen
e Kosovës. Dje, Londra përjashtoi nga territori i vet 4 dipllomatë rusë, si
përgjigje ndaj refuzimit të Kremlinit për ekstradimin e të dyshuarit kryesor në vrasjen
e ish-agjentit rus Litvinienko, me një dozë vdekjeprurëse poloniumi, ndërsa ndodhej
si refugjat në kryeqytetin e Britanisë së Madhe. “Kjo është imorale” ka qenë reagimi
i Ministrisë së jashtme ruse, e cila premton pasoja.
Rreth 800 vetë janë
evakuar nga rajoni i Lvivit në Ukrainë, pasi një tren me fosfor doli nga binarët
dhe mori zjarr, duke shkaktuar një re me tym toksik. Ndotja e ambientit dhe helmimi
i personave kërcënon 14 fshatra. Së paku 20 vetë janë shtruar deri tani në spital.