Прапануем вашай увазе чарговыя старонкi з Кампендiума Сацыяльнай дактрыны Каталiцкай
Царквы.
VII. “Res novae” (новыя рэчы) у свеце працы. а) Фаза эпахальнага перахода. 310
Адным з самых значных стымулаў для зменаў, якiя зараз адбываюцца ў арганiзацыi
працы, служыць феномен глабалiзацыi, якi дазваляе засвоiць новыя формы вытворчасцi,
пры якiх прадпрыемствы знаходзяцца ў тых рэгiёнах, у якiх прыймаюцца стратэгiчныя
рашэннi, i далёка ад спажывальнiцкiх рынкаў. Два фактары падтрымлiваюць гэты феномен:
надзвычайная хуткасць камунiкацыi, не абмежаванай а нi абшарамi, а нi часам, i параўнальная
лёгкасць транспартыроўкi рэчаў i людзей з аднаго месца планеты ў iншае. Гэта iстотна
ўплывае вытворчыя працэсы: уласнасць аказваецца ўсё болей аддаленай, i ўласнiк часта
робiцца раўнадушным да сацыяльных наступстваў рашэнняў, якiя ён прыймае. З iншага
боку, калi верна, што глабалiзацыя апрыоры не добрая i дрэнная сама па сябе, але яе
якасць залежыць ад таго, як чалавек яе выкарыстоўвае, трэба сцвердзiць, што неабходна
глабалiзацыя ахоўных мераў, мiнiмальных асноўных праў i справядлiвасцi. 311
Адна з найбольш важных характэрыстык новай арганiзацыi працы – фiзiчная фрагментацыя
вытворчага цыкла, дзякуючы якой асягаецца большая эфектыўнасць i прыбытак. У гэтай
перспектыве традыцыйныя абшарна-часовыя каардынаты, у якiх арганiзоўваўся вытворчы
цыкл, набываюць невядомую раней трансфармацыю, на якой грунтуецца змена самой структуры
працы. Усё гэта аказвае значны ўплыў на жыццё асобных людзей i грамадстваў, якiя сутыкаюцца
з радыкальнымi зменамi, як у плане матэрыяльных умоў, так i ў культурным i цэласным
плане. У гэты феномен уваходзяць, на глабальным i лакальным узроўнях, мiльёны людзей,
незалежна ад прафесыi, сацыяльнага становiшча i ўзроўня культуры. Таму рэарганiзацыю
часу, яго рэгламентацыю i сучасныя змены ў выкарыстаннi абшараў – якiя магчыма параўнаць
з першай прамысловай рэвалюцыяй, бо яны ахоплiваюць усе сектары вытворчасцi на ўсiх
кантынентах, незалежна ад узроўня iх развiцця – трэба разглядаць як рашаючы выклiк,
таксама i на этычным i культурным узроўнях, у сферы пабудовы адноўленай сiстэмы працы. 312
Глабалiзацыя эканомiкi, а таксама лiбералiзацыя рынкаў, павялiчэнне канкурэнцыi,
распаўсюджванне прадпрыемстваў, якiя спецыялiзуюцца на пастаўцы тавараў i паслугаў,
патрабуюць большай актыўнасцi на рынку працы, у арганiзацыi творчых працэсаў i ў кiраваннi
iмi. Разглядаючы гэту дэлiкатную тэму, мы знаходзiм, што мае сэнс прыкласцi болей
маральных i культурных намаганняў, намаганняў па планаванню, накiроўваючы сацыяльную
i палiтычную дзейнасць у галiнах, злучаных з iстотай i складам новай працы ва ўмовах
новага рынка i новай эканомiкi. Бо змены на рынку працы часта аказваюцца вынiкам,
а не нагодай да таго, каб сама праца змянiлася. 313 Праца, асаблiва ў сярэдзiне
эканамiчных сiстэмаў найбольш развiтых краiнаў, здзяйсняе пераход ад эканомiкi iндустрыальнага
тыпа да эканомiкi накiраванай, па сваёй сутнасцi, на паслугi i на тэхналагiчныя навiны.
Гэта значыць, што вiды паслугаў i дзейнасцi i дзейнасцi, якiя адрознiваюцца высокiм
узроўнем iнфармацыi, развiваюцца хутчэй, чым тыя, што належаць да традыцыйных першага
i другаснага сектараў, i гэта iстотным чынам уплывае на арганiзацыю вытворчасцi i
абмена, на форму працы i на сiстэму сацыяльнай абароны. Дзякуючы тэхналагiчным
навацыям свет працы набывае новыя прафесыi, у той час калi ранейшыя знiкаюць. Сапраўды,
сучасны пераходны этап характэрызуецца сталым змяшчэннем працаўнiкоў з прамысловасцi
ў сферу паслуг. У той час як губляе пазыцыi эканамiчная i сацыяльная мадэль, злучаная
з вялiкiмi прадпрыемствамi i з працай гомагеннага працоўнага класа, палепшваюцца перспектывы
занятасцi ў галiне паслугаў i, у прыватнасцi, узвялiчваецца вага працоўнай дзейнасцi
па аказанню паслугаў чалавеку, працы на непоўны працоўны дзень, часовай i “нетыповай”
працы. Гэта вiды дзейнасцi, якiя нельга аднесцi а нi да наёмнай, а нi да аўтаномнай
працы. 314 Сучасны перыяд адзначаны пераходам ад працы па найму на неабмежаваны
тэрмiн, якая ўспрыймаецца як сталае заняцце, да шэрагу розных тыпаў працоўнай дзейнасцi;
з кампактнага, пэўнага i прызнанага света ў разнабаковы, тякучы сусвет, багаты
на абяцаннi, але i маючы непростыя пытаннi, алаблiва ў тым, што тычыцца няўпэўненасцi
адносна перспектыў занятасцi, ва ўмовах структурнага безпрацоў’я i неадэкватнасцi
iснуючых сiстэм сацыяльнага забяспечэння. Патрабаваннi, якiя паходзяць з канкурэнцыi,
новых тэхналогiй i складанасцi фiнансавых рухаў, неабходна ўзгадваваць з абаронай
працоўнага i яго праў. Няўпэненасць характэрызуе ўмовы працы не толькi ў найбольш
развiтых краiнах, але i – перад усiм – у эканамiчна меньш развiтых рэгiёнах планеты,
у краiнах на шляху развiцця i краiнах з пераходнай эканомiкай. Гэтыя апошнiя павiнны
не толькi вырашаць комплексныя праблемы, злучаныя са зменай эканамiчных i вытворчых
мадэляў, але i штодзённа адказваць на непростыя патрабаваннi сучаснай глабалiзацыi.
Становiшча аказваецца асаблiва драматычным для света працы, якi ахоплены шырокiмi
i радыкальнымi зменамi, культурнымi i структурнымi, часта пры адсутнасцi юрыдычнай
i адукацыйнай базы i сацыяльнай дапамогi.