Kardinali Bertone, agjensisë SIR: “Kisha në Kinë reagon tepër poztivisht ndaj Letrës
së Papës”.
(16.07.2007 RV)“Pas letrës së Papës, deri tani në Vatikan nuk ka arritur asnjë
përgjigje e qartë nga ana e autoriteteve të Pekinit. Ndërsa nga ana e katolikëve kinezë,
reagimet janë shumë positive”. Këtë pohon sekretari i Shtetit të Vatikanit, kardinali
Tarçizio Bertone në një Deklaratë, publikuar sot nga Shërbimi për Informim Fetar (SIR).
“Ka pasur një lëvizje të jashtzakonshme meditimi e reflektimi nga ana e bashkësive
patriotike zyrtare e klandestine, posaçërisht përmes internetit - shpjegon kardinali
Bertone - por nga institucionet nuk ka ende sinjale të qarta e jemi në pritje. Jemi
në një çast reflektimi. Në letër shprehet besimi tek populli kinez dhe tek ata që
e qeverisin, me bindjen se do ta rishikojnë qëndrimin ndaj Kishës katolike që dëshiron
të bashkëpunojë për të mirën e popullit kinez”.