Në Pakistan ushtria sulmon Xhaminë e Kuqe të Islambadit të pushtuar nga rebelët integralistë.
Me dhjetëra viktimat e luftimeve
(10.7.'07 RV)Mbi 58 militantë islamikë janë vrarë gjatë sulmit të forcave pakistaneze
të sigurisë në Xhami të Kuqe në Islamabad. Një masakër e tmerrshme pas një jave të
pushtimit të vendit të kultit nga studentët integralistë islamikë. Forcat e sigurisë
kanë marrë kontrollin e ndërtesës ku gjendeshin të ngujuar rrebelët. Sulmi ndaj Xhamisë
filloi sot herët në mëngjes në orën 4 lokale, pas dështimit të negociatave me militantët,
të cilët reaguan ashpër kundër forcave të rendit. Më se 20 fëmijë që mbaheshin brenda
xhamisë janë liruar nga ushtria, por deri vonë pa pasur fëmijë e gra që mbaheshin
peng nga disa militantë në bodrume të xhamisë. Gjatë sulmit kanë vdekur edhe tetë
ushtarë pakistanezë. “Jam i shqetësuar për situaten aktuale – ka deklarauar nga Brukseli
sekretari i përgjithshëm i OKB-së Ban Ki-Moon – e urojë që dallimet e kundërshtimet
të zgjidhen përmes dialogut e në mënyrë pasqësore”. Edhe përfaqësuesi i Lartë i Bashkimit
Evropjan për Politikën e Jashtme e Sigurinë, Havier Solana, ka shpreh shqetësimin
për gjendjen kritike në Pakistan.