Pime nuk beson se islamikët kanë gisht në rrëmbimin e Atë Bosit në Filipine.
(09.07.2007 RV)Misionarët e Misioneve të Jashme Papnore (PIME) në Filipine,
nuk janë të mendimit se Atë Bosi, i rrëmbyer një muaj më parë, është në duart e një
grupi ekstremist islamik, që kryesohet nga Abu Sajaf dhe konsiderohet i lidhur me
Al Kaedën. Në një deklaratë, dhënë agjensisë AziaNjuz, atë Luçiano Benedeti i Shtëpisë
së PIMES në Zamboanga, vëren: “Sipas nesh, është peng i një bande keqbërësish”. E
ndërsa e gjithë familja e PIME-s përgatitet të kremtojë nesër një Ditë lutjeje për
atë Bosin e sot, nga Lorencago e Kadores, ku sapo ka arritur për pushimet verore,
Papa tha se lutet për lirimin e meshtarit misionar, Atë Bernardo Cervelera,
drejtor i agjensisë AziaNjuz, shprehet kështu për identitetin e rrëmbyesve, në mikrofonin
e Radios sonë: Përgjigje: - Ne të PIME-s, këtu në Itali, e vëllezërit tanë
në Zamboanga presim që vetë rrëmbyesit të na e thonë se kush janë e pse e kanë rrëmbyer
meshtarin, sepse të arrish në konkluzione të nxituara, mund të jetë e rrezikshme si
për të rrëmbyerin, ashtu edhe për situatën në përgjithësi.