Агульная аўдыенцыя Папы у сераду 27-га чэрвеня

Адбылася яна ў двух частках. З пачатку ў Базыліцы Сьвятога Пятра Папа сустрэўся з тымі вернікамі і паломнікамі, якія не змаглі ўвайсьці да Аўлі Папы Паўла 6-га. Затым жа ў той аўлі Сьвяцейшы Айцец сустрэўся ўжо з зарганізаванымі групамі вернікаў.
Была гэта ўжо 23-я аўдыенцыя Папы для вернікаў у гэтым годзе. У сваёй сёньняшняй катахэзе Папа працягваў свой цыкл пра Айцоў Царквы. Сёньняшняя катахэза была прысьвечана Сьвятому Кірылу Ерусалімскаму.

Гэты айцец Царквы нарадзіўся каля 315-га года. Памёр у 387-м годзе. З яго багатае тэалагічнае спадчыны зьберагліся славутыя катахэзы сказаныя ў Базыліцы Сьвятога Гробу да катэхумэнаў, якія падрыхтоўваліся да хросту. Паясьніваў у іх- сказаў Бэнэдыкт 16- чым ёсьць сакрамант хросту і мірапамазаньня. Тлумачыць значэньне літургічных знакаў, уводзіць 10-ць дагматычных праўдаў, якія зьмешчаныя ў “Верую” а зытам затрымліваецца над таямніцаю Эўхарыстыі. Прытрымліваецца біблійных тэкстаў паказваючы працягласьці, якія ўзьнікаюць паміж Старым і Новым Запаветам.
Яго катахэзы- сказаў на заканчэньне Папа Ратцынгэр- па сёньняшні дзень зьяўляюцца прыкладам хрысьціянскага сакрамантальнага (традыцыйнага) азнаямленьня ды навучаньня веры і маральных прынцыпаў.


На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.