Papa emëroi imzot Klaudio Maria Çelin, kryetar të Këshillit Papnor të Komunikimeve
Shoqërore.
(27.06.2007 RV)Kryeipeshkvi Çeli, deri tani sekretar i Administratës së Pasurisë
të Selisë Apostolike, i lindur 66 vjet më parë në Rimini, njihet në mënyrë të veçantë
për impenjimin e tij diplomatik në favor të dialogut të Selisë së Shenjtë me vende
si Kina e Vietnami. Prelati zë vendin e kryeipeshkvit Xhon Folei, emëruar Pro-Mjeshtër
i Madh i Urdhërit të Kalorësve të Varrit Shenjtë të Jeruzalemit, pas kërkesës për
dorëheqje nga kjo detyrë, paraqitur nga Mjeshtri i Madh i Urdhërit, Kardinali Furno,
i cili ka mbushur moshën për të dalë në pension.Kujtojmë se ishte pikërisht imzot
Çeli një nga meshtarët e parë që shkelën në Shqipëri, pa rënë ende mirë diktatura.
Shoqërohej në këtë mision, sa të guximshëm aq edhe delikat, nga i ndjeri Imzot Di
Liegro. I hapte, kështu, shtegun, sa e sa të tjerëve, që do të jepnin ndihmesën e
tyre për ta ngritur përsëri në këmbë një Kishë të martirizuar, e cila do të kishte
fatin e lum të vizitohej e të mbështetej nga vetë Papa Gjon Pali II.