(27.06.2007 RV)Urbanizimi është një fenomen i pashmangshëm, por mund të kthehet
në pozitiv, nëse shfrytëzohen mundësitë që ofron. Ky është mesazhi bazë i raportit
të këtij viti të Fondit të OKB-së mbi gjendjen e popullsisë në botë, i cili u paraqit
sot në kryeqytete të ndryshme. Tema e zgjedhur është “Të shfrytëzohen mundësitë e
rritjes urbanistike”, me qëllim dhënien e orientimeve për t’i bërë më të jetueshme
qytetet e së ardhmes. Meqë për në qytetet e mëdha spostohen gjithnjë e më tepër të
varfërit, OKB-ja tërheq vëmendjen e qeverive për hartimin e politikave, që të mos
i lënë ata në periferi e në baraka pa kushte e shërbime. Sipas të dhënave të OKB-së,
një miliard persona në botë jetojnë në baraka të tilla.
Një milion firma për
të drejtat e personave me të meta fizike në Evropë, deri më 30 shtator. Kjo
është fushata e Forumit Evropian përkatës, i cili ka si objektiv miratimin e ligjeve
në favor të këtyre personave.