Ва Украiне разам малiлiся за захаванне навакольнага асяроддзя прадстаўнiкi розных
рэлiгiй.
16 чэрвеня ва Ужгарадзе кiраўнiкi Рыма-каталiцкiх i Грэка-каталiцкiх дыяцэзiй i семiнарый
Украiны i суседнiх дзяржаў, прадстаўнiкi Праваслаўнай Царквы i прадстаўнiкi iншых
хрысцiянскiх канфесiй, юдэi i мусульмане супольна малiлiся, каб прыцягнуць увагу грамадскасцi
да праблемаў забруджвання навакольнага асяроддзя. Iх суполны зварот да Бога гучаў
на царкоўна-славянскай, венгерскай i арабскай мовах. Сведкамi унiкальнай экуменiчнай
малiтвы былi ўдзельнiкi Ужгародскага прэс-клуба. Прадстаўнiкi духавенства таксама
прынялi ўдзел у межнароднай навуковай канфярэнцыi “Царква i навакольнае асяроддзе:
еўрапейскi вопыт i ўкраiнскiя перспектывы”, якая праводзiлася на базе ўжгародскай
грэка-каталiцкай акадэмii iмя блаславёнага пакутнiка Тэадора Ромжы. Канфярэнцыя
разглядала пытанне аб удзелу Царквы ў захаваннi навакольнага асяроддзя пры шчыльным
супрацоўнiцтве з ворганамi ўлады, мясцовага самакiравання, навуковымi адукацыйнымi
ўстановамi i грамадскасцю. Матэрыялы гэтага спаткання плануецца выдаць асобным зборнiкам.
Галава Мукачэўскай грэка-каталiцкай епархii Мiлан Шашык выказаўся за тое, каб
святары розных веравызнанняў аб’ядналiся ў супольных малiтвах. У той жа час, ён адзначыў,
што да сёняшняга моманту застаецца адкрытым пытанне аб арганiзацыi для агульнай справы
высiлкаў католiкаў i праваслаўных.