Патрыярх багдада супраць падзялення па канфесыйным прызнаку.
“Этнiчна-канфесыйны падзел Iрака не мае сэнса. Хрысцiяне жывуць у розных частках
Iрака, як i сунiты, i шыiты. Чаму трэба падзяляць нашу краiну?”, - заявiў Патрыярх
Халдэйскай Царквы Мар Эммануэль III° Дэллi з нагоды прапановы стварыць хрысцiянскi
рэгiён на раўнiне Нiнiвех, якая знаходзiцца на мяжы з Курдыстанам, дзеля таго, каб
даць спакойна жыць пераследуемым хрысцiянам. “Мы супраць усiх канфесыянальных
падзелаў у Iраку”, - зазначыў Патрыярх, якi даслаў сваю заяву ў Апостальскую сталiцу
праз прадстаўнiка халдэяў а.Фiлiпа Найiма. “Мы не можам незаўважваць праблемы: ёсць
хрысцiяне, якiя ўцякаюць на поўнач краiны. Трэба дапамагчы iм i даць неабходныя для
жыцця сродкi ў чаканнi таго, калi яны будуць мець магчымасць вярнуцца ва ўласныя дамы,
зноў атрымаць сваё зямлю i ўласнасць, якую былi прымушаны пакiнуць. Гэта фундаментальнае
права, якое кожная дзяржава павiнна гарантаваць сваiм грамадзянам”, - сказаў Патрыярх
Дэллi. Ён таксама дадаў, што “калi iснуюць абсалютна хрысцiянскiя вёскi, то мы жадаем,
каб яны кiравалiся хрысцiянскай адмiнiстрацыяй. Iрак, працягнуў сваю думку халдэйскi
Патрыярх Багдада, - заўсёды быў адкрыты i не мае сэнсу ствараць падзел. Хрысцiяне
жывуць ва ўсiх частках Iрака i мы маем працяглыя адносiны сяброўства з усiмi i не
жадаем адмаўляцца ад iх. Iракцы заўсёды былi адзiным народам”. У той жа час, хрысцiянскi
дастойнiк заявiў аб тым, што хрысцiяне Iрака не жадаюць весцi нiякога дыялога з тэрарыстамi,
бо “яны ўжываюць рэлiгiю для ўласных мэтаў i тым самым наносяць шкоду iсламу... Мы
просiм мусульманскiх кiраўнiкоў супрацiвiцца фундаменталiзму i тэрарызму, якiя шкодзяць
Iсламу”, - зазначыў Патрыярх Дэллi.