Mesazh i Benediktit XVI drejtuar kardinalit Ivan Dias, me rastin e 25- vjetorit të
ipeshkvnisë.
(21.06.2007 RV)Një jetë e shkrirë në shërbim të Ungjillit e të Kishës: kështu
e përshkruan Papa impenjimin e kardinalit Ivan Dias, prefekt i Kongregatës për Ungjillëzimin
e Popujve, në një mesazh me rastin e 25-vjetorit të shugurimit të tij ipeshkvnor,
festë të cilën Kardinali Dias e kremtoi më 19 qershorin e kaluar. Benedikti XVI
kujton ngjarjet më të rëndësishme të jetës së kardinalit, duke u ndaluar edhe në kontributin
që dha si Nunc i parë Apostolik i pasdiktaturës në Shqipëri, ku kreu detyrën aq të
rëndësishme të riorganizmit të hjerarkisë së re të Kishës katolike. Këtë periudhë
të vështirë, por edhe të suksesshme për Nuncin Dias, Papa e kujton në mesazh me fjalët:
“Kardinali Dias ndihmoi për rindërtimin e fesë katolike në Shqipëri, ku më 1993 priti
me gëzim e emocion për vizitë, Gjon Palin II”.Bashkojmë zërin tonë me zërin e Papës
për t’i uruar kardinalit Dias jetë e veprimtari të gjatë në shërbim të Kishës universale
e posaçërisht, të popujve në vendet e misionit, të cilëve u shërben, duke drejtuar
Kongregatën për Ungjillëzimin e tyre.