Ватыкан: супольная дэклярацыя Папы Бэнэдыкта 16 і Хрызастома ІІ.
Нядаўна Рым і Ватыкан наведаў арцыбіскуп Хрызастом ІІ, кіраўнік Кіпрыйскае Праваслаўнае
Царквы. 16-га чэрвеня быў ён прыняты Папам Бэнэдыктам 16. На заканчэньне сустрэчы,
яны падпісалі супольную дэклярацыю, ў якой чытаем, між іншым: “У часах
нарастаючай лаіцызацыі і рэлятывізму католікі і праваслаўныя Эўропы пакліканы да даваньня
супольнага сьведчаньня аб этычных вартасьцях і аб сваёй веры у Хрыста. Далей яны
выказалі ў Дэклярацыі волю што-раз больш інтэнсіўнага імкненьня да поўнага адзінства
ўсіх хрысьціян. Спаслаліся да сітуацыі падзелаў і напружаньня на Кіпры і на Блізкім
Усходзе. Падкрэсьлілі ролю хрысьціян і ўсіх пасьлядоўнікаў адзінага Бога ў прыверненьне
там міру. Указалі асноўнае значэньне годнасьці і правоў чалавека, сярод іх асабліва
рэлігійнае свабоды. Сьцвердзілі, што багатая спадчына веры католікаў і праваслаўных
павінна іх схіляць да абвяшчаньня Эвангэльля, адказваючы на патрэбы сёньняшняга сьвету.
Сярод іх падпісаная Бэнэдыктам 16-м і Хрызастомам ІІ дэклярацыя пералічвае б”ёэтычныя
пытаньні, што зьвязанцыя з абаронаю чалавечага жыцьця, з барацьбою з убоствам, голадам
і хваробамі ў пэрспэктыве міжнароднае салідарнасьці ды дэклярацыя пералічвае таксама
экалагічныя праблемы. На заканчэньне сустрэчы Хрызастом ІІ запрасіў Папу адведаць
Кіпр, прыпамінаючы старажытнае акрэсьленьне Рыму як Касьцёла, які дзейнічае ў любові.