Упершыню ў гісторыі Сусветнае Царквы адбываецца афіцыйны візіт праваслаўнага Кіпрыёцкага
Патрыярха ў Папскі Рым.
Сёння, у сераду Хрізостамас 2-гі, які, дарэчы, вельмі блізкі сябра патрыярхаў РПЦ,
меў вельмі інтэнсіўную праграму: ён сустрэўся раніцай з монсіньёрам Анжэло Баньяско,
прэзідэнтам Італьянскай Біскупскай Канферэнцыі, а потым днём – з кардыналамі Вальтэрам
Касперам, старшынёй Папскай Рады па Адзінстве хрысціянаў, надвячоркам - з дзяржаўным
сакратаром Ватыкана Тарчізіо Бертоне. Як мы паведамлялі, архіепіскап Кіпра будзе
мець спецыяльную аўдыенцыю у Бенедыкта 16 у гэтую суботу. На Кіпры жыве самая
старажытная ў свеце хрысціянская праваслаўная грамада – (гісторыкі датуюць яе нараджэнне
46 годам ад Раства Хрыстовага ).Праваслаўны Патрыярх Кіпра - адзіны ва ўсім хрысціянскім
царкоўным кіраўніцтве мае права трымаць скіпетр і падпісвацца чырвонымі чарніламі.
Ён цяпер таксама сустрэнецца з цывільнымі ўладамі Італіі.У прыватнасці, з нагоды
50-годдзя падпісання Рымскага трактату адбудзецца сустрэча з прэм’ер-міністрам Італіі
Раманам Продзі. Запланаваныя рабочыя сустрэчы з кіраўнікамі каталіцкага руху Таварыства
Св.Эгідыя і Comunione e Liberazione (Адзінства і вызваленне). Праваслаўны архіепіскап
Хрізостамас 2 атрымае ў сценах каталіцкага Універсітэта Урбаніанум ганаровы Дыплом
за міласэрдную дзейнасць “ Laurea Honoris Causa”. Пасля Рыму архіепіскап
Кіпрыёцкі паедзе ў Неапаль, каб там сустрэцца з кардыналам Крешчэнцыё Сэпе. Хрысціянскія
прэлаты пагавораць аб канкрэтнай сумеснай падрыхтоўцы Міжнароднай экуменічнай малітоўнай
сустрэчы ў інтэнсіі міру, якая адбудзецца ў сёлятнім кастрычніку ў Неапалі. Даведка:
ад 1974 года 36 прfцентоў терыторыі Кiпра оккупaанa Турцыяй. Болеp за 500 храмоўі
кляштараў усіх конфессiй заняты ці разбураны.