(13.06.2007 RV)Rifilluan sot, pikërisht një ditë pas përvjetorit të largimit
të ushtrisë serbe nga territori i Kosovës, në përfundim të luftës së 1999-ës, negociatat
për nënshkrimin e Marrëveshjes së Asociim-Stabilizimit ndërmjet Serbisë dhe Bashkimit
Evropian. Në ceremoninë zyrtare në Bruksel ishin të pranishëm komisari evropian për
zgjerimin, Olli Ren dhe zv.kryeministri serb Bozidar Gjeliç. Ren bëri të qartë se
marrëveshja do të nënshkruhet vetëm kur të kapen dhe të dorëzohen kriminelët e luftës
të kërkuar nga Gjykata e Hagës, sidomos Karaxhiq dhe Mlladiq.