(13.06.2007 RV)Sot u kremtua Shëna Ndou i Padovës: mijëra shtegtarë u mblodhën
në Kishat kushtuar shenjtit ndër trojet shqiptare: në Laç të Sebastes, në Gjakovë,
në Prishtinë… Ju ftojmë ta kremtojmë simbolikisht së bashku me qindra mijëra
besimtarë, të krishterë dhe myslimanë, pa dallim, që sot ishin të pranishëm në Meshën
shenjte në Shenjtëroren e mrekullive të Shna Ndout në Laç. Kanë shtegtuar
nga ana e anës. Madje shtegtimi ka nisur që në mars, në “të martën e parë” që i prin
13 të marteve të Shëna Ndout. E dinë se Shëna Ndou është mrekullibërës,
prandaj kur largohen nga Shenjtorja, marrin me vete një grusht dhe, për ta pasur pranë
në shtëpi e në punë, për vete dhe të afërmit. Turma i ngjan një familjeje të madhe,
në të cilën ka vënë rregull vetë Zoti. Brenda në Shenjtërore qindra vetë thonë uratë
në heshtje. Prekin Shenjtin, luten. Dëshmitarë të shumtë pamorë tregojnë se këtu janë
bërë mrekulli të pabesueshme. E kështu çdo vit e edhe sivjet. Por, për hollësirat
e kremtimit të sotëm, të ndjekim shërbimin e Jolanda Babës: