Назначаны новы прэфект Кангрэгацыi да спраў Усходнiх Цэркваў.
Свяцейшы Айцец Бенедыкт XVI° назначыў аргентынскага арцыбiскупа Леонардо Сандрi новым
Прэфектам Кангрэгацыi да спраў Усходнiх Цэркваў, а на яго былую пасаду быў назначаны
арцыбiскуп Фернандо Фiлонi, былы Апстальскi нунцый на Фiлiпiнах. Папа зрабiў абодва
назначэння ў суботу 9-га чэрвеня пад час спаткання з супрацоўнiкамi згаданай Кангрэгацыi
i выказаў асаблiвую падзяку яе былому кiраўнiку, 77-гадоваму кардыналу Iгнату Мусе
Дауду. “Я разумею, што Свяцейшы Айцец даручыў мне скарб лiтургiчнай малiтвы, духоўныя
традыцыi, манашае жыццё, жыццё многiх святых, навуку усходнiх Айцоў Царквы”, - заявiў
арцыбiскуп Сандрi. “Я зноў выказваю абсалютную вернасць просьбам i ўказанням Наступнiка
ап. Пятра i вiкарыю Хрыста”, - зазначыў нованазначаны арцыбiскуп. Ён нарадзiўся
ў Буэнос-Айрэсе 18 лiстапада 1943 года. Вывучаў тэалогiю ў Каталiцкiм унiверсiтэте
Аргентыны, атрымаў ступень доктара кананiчнага права Папскага Грыгарыянскага унiверсiтэта,
якi знаходзiцца ў Рыме. На дыпламатычную службу монс. Сандрi паступiў у 1974 годзе.
Працаваў у Апостальскай нунцыятуры на Мадагаскары да 1977 года, а потым да 1989 года
быў супрацоўнiкам Дзяржаўнага сакратарыята Ватыкану. З 1989 да 1991 года быў раднiкам
Апостальскага нунцыя ў ЗША i пры Арганiзацыi Амерыканскiх дзяржаў. У 1997 годзе
быў высвячаны ў арцыбiскупы i назначаны Апостальскiм нунцыям у Венесуэле. У сакавiку
2000 года быў накiраваны Апостальскiм нунцыям у Мексiку, а ў вераснi таго ж самага
года атрымаў прапанову заняць пасаду намеснiка Дзяржаўнага сакратара Ватыкана. Як
кiраўнiк Кангрэгацыi да спраў Усходнiх Цэркваў, чакаецца, што арцыбiскуп Сандрi будзе
ўзведзены да годнасцi кардынала на наступнай кансiсторыi.