Неўзабаве каталіцкія біскупы Эўропы сустрэнуцца ў Менску
З 14-га па 18-га чэрвеня ў Менску адбудзецца сустрэча
генэральных сакратароў канфэрэнцый каталіцкіх біскупаў Эўропы. Як паведамляе агенцтва
БелаПАН, ініцыятарам правядзеньня спатканьня ў Беларусі выступіў апостальскі адміністратар
Менска-Магілёўскай архідыяцэзіі біскуп Антон Дзям’янка. На сустрэчы будуць абмеркаваны
актуальныя пытаньні, датычныя месца й значэньня Рымска-каталіцкай царквы ў сучаснай
Эўропе. У склад Канфэрэнцыі каталіцкіх біскупаў Беларусі, якую ўзначальвае ардынарый
Гарадзенскай дыяцэзіі біскуп Аляксандар Кашкевіч, уваходзіць 5 ерархаў. Сустрэча
генэральных сакратароў каталіцкіх канфэрэнцый Эўропы праходзіць штогод у розных краінах
нашага кантынэнту.