Piu XII, viktimë e një legjende të zezë, që duhet hedhur poshtë.
(06.06.2007 RV)Kështu e quajti
sekretari i Shtetit të Vatikanit, kardinali Tarçizio Bertone, Piun XII. Duke folur
dje gjatë paraqitjes së librit të gazetarit Andrea Torneli me titull “Piu XII. Eugjenio
Paçeli. Burri që u ul në fronin e Shën Pjetrit”, i cili sapo është botuar nga Mondadori,
Hirësia e Tij nënvizoi se Papa e drejtoi Kishën, kur bota ishte zënë në grackën e
pasioneve të tërbuara e irracionale; e prej këndej buron edhe pandehma për heshtje
përballë Olokaustit, apo shfarosjes në masë të hebrenjve.Po si mund të njihet e vërteta
për papninë e Eugjenio Paçelit? Ia drejtuam këtë pyetje vetë kardinalit Bertone: “Duke
i bërë të flasin burimet, jo me gjykime të paracaktuara e, sidomos, duke mos i manipuluar
këto burime, të cilat janë të shumta e i krijojnë të gjitha mundësitë për të realizuar
portetin njerëzor, shpirtëror, baritor e edhe politik të Piut XII”.