Беларускія вернікі моляцца за свабоду веравызнаньня
3 чэрвеня, у нядзелю, у менскай царкве “Боская ласка” адбудзецца малітва за магчымасьць
правядзеньня богаслужбаў у жылых і іншых памяшканьнях, а таксама за тое, каб жылыя
памяшканьні можна было пераводзіць у культавыя. Гэта рэакцыя эвангельскіх хрысьціянаў
на арышт пастара царквы пяцідзесятнікаў Антонія Бакуна 27 траўня гэтага году падчас
сьвяточнай богаслужбы. Яго абвінавацілі ў “правядзеньні рэлігійнага сходу без спэцыяльнага
дазволу”. У сваю чаргу іншы прапаведнік эвангельскай царквы – грамадзянін Польшчы
Яраслаў Лукасік атрымаў загад пакінуць Беларусь і забарону ўезду на тэрыторыю краіны
на 5 гадоў.