(01.06.07 RV)Situatë e nderë në Liban, ku kanë rifilluar ndeshjet ndërmjet
ushtarëve libanezë dhe militantëve islamikë të strehuar në kampin e refugjatëve palestinezë,
në portat e Tripolit. Në kamp, ku fillimisht janë strehuar 40 mijë vetë, kanë mbetur
vetëm 4 mijë palestinezë e milicë. Këta të fundit fshihen ndërmjet refugjatëve e nuk
kanë ndërmend të dorëzohen. Sipas një marrëveshjeje me Lidhjen Arabe, ushtarët libanezë
nuk mund të hyjnë brenda kampeve të refugjatëve. Sipas qeverisë së Bejrutit, milicët
islamikë janë mjet i Sirisë për destabilizimin e vendit. Në fakt, luftimet filluan
24 orë pas miratimit të rezolutës së Këshillit të Sigurimit të OKB-së, që parashikon
ngritjen e një Gjykate ndërkombëtare për hetimet e vrasjes së ish-kryeministrit libanez,
Rafik Hariri.