У польшчы надрукаваны II° том дакументаў аб пераследаваннях Грэка-каталiцкай Царквы.
28 красавiка, у памешканнi курыi Перамышльска-Варшаўскай архiепархii Украiнскай Грэка-каталiцкай
Царквы прайшла прэзентацыя II тома дакументаў “Вытокi гiсторыi УГКЦ у Польшчы ў 1944-1989
гадах”. Складаннем збору дакументаў займаўся спадар Богдан Гук, якi напiсаў таксама
ўступ да згаданага выдання. Том, памерам у 304 старонкi, выданы дзякуючы падтрымцы
архiепархii. Першы том утрымлiвае дакументы, якiя тычацца гiсторыi УГКЦ у Польшчы
ў перыяд з 1944 да 1959 года. У iм ёсць дакументы, якiя тычацца лiквiдацыi курыi i
iншых устаноў епархii, апiсаннi арыштаў епiскапаў, а таксама трагiчныя сведчаннi аб
забойстве грэка-каталiцкiх святароў i простых вернiкаў. У зборнiк уключаны i дакументы,
у якiх адлюстраваны планы i метады лiквiдацыi Грэка-каталiцкай Царквы ў Польшчы дзяржаўнымi
ворганамi, а таксама выкарыстанне з гэтай мэтай Праваслаўнай Царквы. Сярод пытанняў,
заданых складальнiку зборнiка, часцей за ўсё паўтаралася пытанне аб тым, калi трэба
чакаць выхад наступных тамоў дакументаў i якiя матэрыялы будуць у iх змешчаны? Усе,
хто выступаў пад час прэзентацыi, выказалi меркаванне, што зборнiк не толькi дапаможа
гiсторыкам, але i ўсiм заiнтэрасаваным чытачам, пазнаёмiцца з фактамi гэтага вельмi
складанага перыяда пасляваеннай гiсторыi УГКЦ у Польшчы.