Liturgjia e Fjalës së Zotit e solemnitetit të Rrëshajve “C”. Zoti flet në gjuhën tënde!
(26.05.07. RV)Dëgjues të nderuar
të Raduio Vatikanit, ja përsëri në takimin tonë javor të së shtunës me Fjalën e Zotit
të së dielës. Kësaj herët do të dëgjojmë dhe meditojmë së bashku leximet biblike të
liturgjisë së Fjalës Hyjnore të solemnitetit të Rrëshajve, festës së Zbritjes së Shpirtit
Shenjt Zot mbi Apostujt e mbledhur në Cenakull. Që nga ajo ditë, mund të phojmë se
historia e njerëzimi ka një hov të ri, një dritë të re, një horizont të pakufijshëm.
Pra, kanë kaluar 50 ditë nga solemniteti i Pashkëve e sot, me Kishën në festë,
kremtojmë dhuratat që Jezu Krishtit Zot na i ka falë asaj: Shpirtin Ngushllues që
vjen nga Ati Qiellor, Shpirtin Shenjtë Zot që na është dhuruar në zemrat tona në Pagëzim,
në mënyrë që të mund të ecim, të veprojmë e të jetojmë sipas Shpirtit të Zotit, të
cilin jemi të ftuar ta mishërojmë e pasyrqojmë në jetën e në marrëdhëniet tona të
përditshme me tjerët. Festa e Rrëshajëve, ardhja e Shpirtit Shenjt mbi Apostujt,
shënon ditëlindjen e Kishës dhe ditëlindjen e gjallërimit tonë si besimtarë e dëshmitarë
të Krishtit të Gjallë, Shpëtimtarit të njerëzimit. Pra, nga kjo ngjarje e Rrëshajve,
Shpirti Shenjt Zot banon në shpirtin tonë njerëzor, Zoti është bërë më i afërt me
ne, është më intim me ne, se sa ne jemi me veten tonë, thotë shën Aogostini. Kështu,
festa e Rrëshajëve na siguron se Zoti nuk na braktis kurrë, por Ai është miku e shoku
i përjetshëm i udhës sonë në jetë. Eshtë Shpirti Shenjt Zot që na jepë kuptimin
e ri të misterit të Jezusit. Pa Të është e pamundur të depertojmë në këtë mister.
Eshtë Shpriti Shenjt që na bën të aftë t’i lexojmë ngjarjet në dritën e fesë, në fenë
e Krishtit që është dhuratë e tij Me kremtimin e solemnitetit të festës së Rrëshajëve,
Kisha e mbyll ciklin e Pashkëve për të vijuar me kohën e rëndomtë liturgjike gjatë
vitit. Tani ti degjojme Leximet biblike të festës së Rrëshajëve dhe komentin nga
dom Gjergj Meta ( Progami Shqip i Radio
Vatikanit)