Kishës katolike iu shtua një i Lum i ri: Karlo Liviero.
(27.05.2007 RV)Sot në Çità di Kastelo (Itali), në orën 11, kardinali Hose Saraiva
Martins, Prefekt i Kongregatës për Çështjet e Shenjtorëve e përfaqësues i Atit të
Shenjtë, kryesoi Eukaristinë me ritin e lumnimit të imzot Karlo Livieros, ipeshkëv
i të njëjtit qytet, themelues i Kongregatës së Shërbëtoreve të vogla të Zemrës së
Krishtit, lindur në Viçencë më 1866, vdekur në Fano më 1932. Motra Maria
Anunciata Gidoti, që punoi për çështjen e lumnimit të themeluesit të Kongregatës
së saj, na flet për mesazhin e të Lumit Karl: Përgjigje:
- Na lë mesazhin e dashurisë që nuk gjykon, që mirëpret; një dashurie pa interes,
sidomos për të vegjlit, të varfërit, të braktisurit, të papërfillurit, për njerëzit
që nuk kanë zë, duke ndjekur shembullin e Zemrës së mëshirshme të Jezusit.