Vijon në Brazil Konferenca V e përgjithshme e Episkopatit latinoamerikan e karaibik.
(25.05.2007 RV)Vijojnë, në Konferencën e V e përgjithshme të Episkopatit latinoamerikan
e karaibik, hapur nga Papa Benedikti XVI më 13 majin e kaluar, diskutimet, gjatë të
cilave po preken probleme të ndryshme të Kishës e të shoqërisë. Këto ditë Konferenca
është përqëndruar tek vështirësitë që ndeshen në veprimtarinë ungjillëzuese, për shkak
të gjuhëve të ndryshme në të cilat u duhet folur njerëzve e jo më pak, për shkak të
ndryshimeve të vrullshme kulturore, që rrezikojnë ta relativizojnë deri Jezusin e
ta kthejnë veprimtarinë fetare në një ‘supertreg të fesë’. Prej këndej, domosdoshmëria
për të organizuar, me frymë krijuese, një aksion të ri apostolik e baritor, që i jep
epërsi absolute kumtimit të Jezu Krishtit dhe fillimit të ecjes në rrugën e jetës
së krishterë.