Багародзічная малітва вялікоднага пэрыяду "Каралева Неба" з Папам у нядзелю 20 мая
А паўдні, як у кожную нядзелю і большыя сьвяты, Сьвяцейшы Айцец адгаварыў з вернікамі,
якія прыйшлі на Плошчу Сьвятога Пятра, гэтую марыйную малітву. У сваёй прамове, перад
ёйным адгаварэньнем, Бэнэдыкт 16 падзякаваў Богу за Апостальскае Падарожжа да Бразыліі.
Папрасіў адначасна ў вернікаў малітваў у намеры 5-е Агульнае Канфэрэнцыі Эпіскапатаў
Лацінскае Амэрыкі і Караібаў, працы якой працягваюцца ў Апарэсідзе. Галоўную частку
свайго разважаньня Папа прысьвяціў сьвяткаваньням Сусьветнага Дня Сродкаў Масавай
Інфармацыі. Ягоны лозунг сёлета гучыць: “Дзеці ды сродкі камунікацыі: выклік для
фармацыі”. Сьвяцейшы Айцец падкрэсьліў неабходную патрэбу фармацыі да крычычнага
ўспрыйманьня масс-мэдыяў. Падкрэсьліў, што ў выхаваньні будучых пакаленьняў гэтыя
сродкі масавай інфармацыі стаюцца канкурэнтамі для школаў, Касьцёла а нават для сям”і. У гэтым кантэксьце
трэба адпаведане адукацыі для ўласьцівага карыстаньня з масс-мэдыяў- сказаў Бэнэдыкт
16. Бацькі, настаўнікі і касьцельныя супольнасьці пакліканыя да супрацоўніцтва ў
выхаваньні дзяцей і моладзі, да зьдзяйсьняньня выбараў кіруючыся шуканьнем таго, што
мае вартасьць. З другога боку таксама масс-мэдыя павінны ўзносіць свой ўклад у выхаваўчы
працэс, павышаючы годнасьць чалавечае асобы, сужонства і сям”і. Пасьля адгаварэньня
малітвы “Каралева Неба” Папа паўтарыў свой заклік за мір на Сьвятой Зямлі. Спаслаўся
гэтым самым да сітуацым ў Зоне Газы. Узброенныя сутычкі паміж палестынскімі фракцыямі
ды ракетныя атакі на жыхароў суседніх ізраільскіх гарадоў спрычыняюць пагоршаньне
сітуацыі, што ўзбуджае неспакой. Папа маліўся за ўзнаўленьне мірных перагавораў: Яшчэ раз у імені
Бога ўпрошваю пакласьці канец гэтаму трагічнаму насільлю. Народам Палестныны і Ізраіля
жадаю выказаць маю салідарную блізкасьць і запэўніць аб малітоўнай памяці. Заклікаю
да пачуцьця адказнасьці палестынцаў, каб цераз стойкі дыялог нанава ўзьнялі дарогу,
якая вядзе да зразуменьня, спыняючы насільле. Заахвочваю ізраільскі ўрад да памяркоўнасьці
і заклікаю міжнародную супольнасьць да дзеяньняў у карысьць узнаўленьня перагавораў.
Хай Бог ўзбудзіць і ўзмацуе людзей, якія прыносяць мір- сказаў Бэнэдыкт 16.