(20.05.2007 RV)Sot Kisha katolike kremtoi të Shëlbuemit. Solemniteti u shty
për të dielën VII të Pashkëve, për t’i krijuar besimtarëve mundësitë të marrin pjesë
masivisht në kremtim, sepse ditë pushimi. U përkujtuan edhe Shën Bernardini i Sienës,
françeskan e Shën Aurea, martire Nesër, e hënë, do të kremtohet festa e
Shën Viktorit, e Shën Kristoforit Magalanes me shokët e tij meshtarë, martirë në Meksikë
dhe e Shën Eugjenit de Mazenod, ipeshkëv i Marsejës, themelues i Oblatëve të Marisë.
Na mësojnë se nuk mjafton ta shpjegojmë fenë tonë: feja duhet jetuar çdo ditë, duke
ecur me vullnet krejtësisht të lirë në gjurmët e Zotit, që na çojnë në Mbretërinë
e amshuar. Liturgjia e së martes na kujton se për të parashijuar jetën
e amshuar, duke qenë akoma në botë, duhet të njohim thellësisht të vetmin Zot të vërtetë
dhe Birin e Tij të mishëruar, të cilin Ati e dërgoi mes nesh. Është festa e Shën Ritës
nga Kasha, rregulltare agostiniane, pajtore e njerëzve të pashpresë, së cilës Zoti
i dhuroi dijen e forcën e Kryqit dhe e shën Julies, virgjër e martire. “Fuqia
e Zotit është dashuria!”. Këtë na kujtonShën Gjon Batist de Rosi, meshtar
romak, që do të përkujtohet të mërkurën. Liturgjia e së enjtes na
kujton se feja e besimtarëve rritet në bashkim të ngushtë me transmetimin e pandërprerë
të Fjalës së Krishtit të ngjallur nga ana e Kishës, e cila këtë ditë kremton Zojë
Ndihmëtare. Festa e Shën Gegës VII, papë, e Shën Bedës Venerabile, meshtar
benediktin e doktor i Kishës dhe e Shën Maria Madalena de Pacit, që Kisha do t’i përkujtojë
të premten, na kujton se mbretëria e Zotit shtrihet në botën mbarë. Përveçse
duke ndjekur Zotin, dishepulli i vërtetë e dëshmon të Kryqëzuarin–e- Ngjallur duke
i lidhur ngushtë fjalët me veprat. Meriton kështu epitetin ‘njeri i drejtë’ dhe premtimin
për të kundruar fytyrën e Zotit në amshim. Këtë na kujton festa eShën Filip
Nerit, meshtar, themelues i Kongregatës të Priftërinjve të Oratorit, që do të kremtohet
të shtunën.