Ведаць больш аб сутнасці каталіцкае Царквы дазволіць мусульманам новая ініцыятыва
Грыгарыянскага фонда і Міжнароднага Інстытута Жака Марітэна. Узаемаазнаямленне ж ёсць
фактарам міра на Зямлі.
Гэта сцвердзілі, адкрываючы курс "Міжнародная палітыка Святога Пасаду", Дзяржсакратар
Ватыкана і Прэзідэнт Папскай рады " Справядлівасць і мір" кардыналы Тарчізіо Бертоне
і Ренато Марціно. Курс чытаецца для дыпламатаў з краін Міжземнамор'я і Блізкага
Ўсходу, галоўным чынам, мусульманскай большасці. На цырымоніі адкрыцця прысутнічалі
дыпламаты амаль 20 краін, у тым ліку Саўдаўскай Аравіі, Ірану, Іраку, Турцыі і Албаніі.
Пакуль не прыбылі прадстаўнікі Палестыны, Катару і Йемену. курс пачынаецца 7 і завершыцца
27 мая. Афіцыйна адхілілі запрашэнне Аман і Туніс. Прэзідэнт Грыгарыянскага
фонду айцец Франк Ймода ва ўступным слове паясніў, што мэта заняткаў - паглыбіць
знаёмства дыпламатаў з юрыдычным міжнародным статутам горада-дзяржавы Ватыкан і растлумачыць
статут Святога Пасаду, функцыю яго разнастайных органаў, сувязь з ім каталіцкіх біскупстваў
цэлага свету і потым - з мясцовымі Цэрквамі, гуманітарную і міратворчую працу , дыпламатычную
дзейнасць нунцыятур". Прафесар Грыгарыянскага Універсітэта Роберт Папіні , генсакратар
Міжнароднага інстытута Жака Марітэна, падкрэсліў, што часта ўяўленні аб каталіцкай
Царкве мусульмане атрымліваюць ад фундаменталістаў. Каб умацоўваць мір ёсць неабходнасць
рэальна бачыць становішча рэчаў. Адкрываныя ў рыме курсы і павінны паспрыяць гэтаму.