Багародзічная малітва вялікоднага пэрыяду "Каралева Неба" з Папам у нядзелю 6-га мая.
Бэнэдыкт 16, у сваёй прамове перад адгаварэньнем гэтае малітвы, што зрабіў разам
з вернікамі, якія прыйшлі іна Плошчу Сьвятога Пятра, даручыў Маці Божай сваё Апостальскае
Паларожжа ў Бразылію. Зьвярнуў увагу, што будзе гэта яго першая сустрэча з лацінаамэрыканскім
кантынэнтам. Сьвяцейшы Айцец прыпомніў, што гэты кантынэнт мусіць справіцца са шматлікімі,
дыфэрэнцыйнымі выклікамі. Адсюль неабходнасьць такой фармацыі хрысьціян, каб сталі
яны “рошчынаю” дабра і “сьвятлом” сьвятасьці ў нашым сьвеце. Гэта мой першы
пастырскі візіт ў Лацінскую Амэрыку. Я духоўна падрыхтоўваюся да сустрэчы з лацінаамэрыканскім
кантынэнтам, дзе жыве амаль палова католікаў з цэлага сьвету, з якіх многія гэта маладыя
людзі. Менавіта дзеля гэтага ён быў названы кантынэнтам надзеі: надзеі не толькі
для Касьцёла, але таксама для ўсяе Амэрыкі і цэлага сьвету. Далей Папа Бэнэдыкт
16 прыпомніў, што ў часе свайго паломніцтва сустрэнецца з моладзю ды зьдзейсьніць
акт кананізацыі першага жыхара Бразыліі. Адкрые таксама працы 5-е Агульнае Канфэрэнцыі
Эпіскапатаў Лацінскае Амэрыкі і Караібаў. У сваім разважаньні Папа гаварыў таксама
аб значэньні марыйнага месяца для жыцьця веруючых: “Месяц май гэта зручны час, каб
паказаць постаць Марыі як Маці, якая знаходзіцца ў супольнасьці вучняў абьяднаных
у малітве ў чаканьні Сьвятога Духа. Гэты месяц можа быць таксама нагодаю, каб вярнуцца
да веры першароднага Касьцёла і зразумець ў еднасьці з Марыяю, што таксама і сёньня
нашаю місіяю ёсьць адважнае, радаснае абвяшчаньне і сьведчаньне аб укрыжаваным і ўваскрослым
Хрысьце, надзеі чалавецтва”- сказаў Сьвяцейшы Айцец. На заканчэньне сустрэчы з
вернікамі Папа надзяліў на іх сваё Апостальскае Блаславенства.