(06.05.07 RV)Të mërkurën e ardhshme, më 9 maj, Papa Benedikti XVI do të niset
drejt Brazilit në Udhëtimin e gjashtë Apostolik të Papnisë së tij. Kthimi në Vatikan
është parashikuar për të hënën më 14 maj. Ati i Shenjtë Jozef Racinger do vizitojë
qytetin e madh të Saò Paulos (Shën Palit) – ku do të kanonizojë Frei Galvào, shenjtin
e parë të Brazilit, do të takojë të rinjtë dhe Ipeshkvijtë e Brazilit – e pastaj do
të shkojë pranë Shenjtërores së Zojës së Bekuar në Aparecida, ku më 13 maj me kremtimin
e Meshës së Shenjtë do të hapë punimet e Konferencës së V-të të Përgjithshme të Episkopatit
të Amerikës Latine e të Karaìbeve dhe do të marrë pjesë në Sesionin e parë të punimeve.
Tema e kësaj Koference është: “Nxënës e misionarë të Jezu Krishtit, që popujt tanë
ta kenë në Të jetën”. Ne do ta ndjekim Atin e Shenjtë me programet tona të përditshme.