Агульная Аўдыенцыя Папы у сераду 2-га мая

Адбылася яна на Плошчы Сьвятога Пятра. У Вечны Горад прыбыло шмат вернікаў і паломнікаў з кожнага кутку сьвету. Можна сказаць, што Плошча Сьвятога Пятра была амаль поўнаю. Была гэта ўжо 17-я сустрэча Папы Бэнэдыкта 16 з вернікамі ў гэтым годзе.
У сёньняшняй катахэзе Сьвяцейшы Айцец працягваў свой цыкл прысьвечаны Айцам Царквы.
Працягваючы роздумы прысьвечаныя Арыгену Бэнэдыкт 16 прыпомніў сёньня значэньне ягонага навучаньня аб малітве і Касьцёле.

У трактаце аб малітве гэты вядомы тэалог даказвае, што дзеля пазнаньня Сьвятога Пісаньня больш чым вывучэньне, патрэбным ёсьць роздум ды інтымная сувязь з Хрыстом. У часе малітвы- як зазначыў Арыген у пісьме да Рыгора- магчыма зразумець сэнс натхнёных Пісаньняў. Ён абвяшчаў, што дарогаю да пазнаньня Бога ёсьць любоў, якая пранікаючы малітву робіць, што Бог і чалавек стаюцца еднасьцю Духа.
Гаворачы аб Касьцёле- працягваў Сьвяцейшы Айцец у часе сёньяншняе аўдыенцыі- Арыген паклаў асаблівы націск на паўсюднае сьвятарства верных. Навучаў, што веруючыя ў Хрыста зьяўляюцца выбраным Народам- сьвятым, каралеўскім і сьвятарскім. У казаньні на тэму Сьвятарскае Кнігі, Арыген прымяняючы параўнаньні аб шатах сьвятароў, запаленых сьветачах, прыпомніў веруючым, што складаньне сьвятарскае ахвяры дамагаецца ад іх чыстаты сэрца, чуйнасьці, гатоўнасьці да сустрэчы з Госпадам. Пры гэтым неабходнаю ўмоваю ёсьць вера, жыцьцё Божым Словам і малітва.
Імкненьне да духоўнае дасканаласьці- сказаў на заканчэньне Папа Ратцынгэр- накрэсьленае Арыгенам, астаецца таксама і для нас сучаснікаў, важным і канкрэтным выклікам.

На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.