Papa: tri sfidat e sotme ekologjia, të drejtat e personit dhe vlerat e shpirtit
(02.5.07 RV)Mjedisi, personi njerëzor, vlerat e shpirti: janë tri sfidat për
t’u ballafaquar me një impenjim të bindur në shërbim të drejtësisë së frymëzuar nga
dashuria. Kështu pohon mes tjerash Papa në mesazhin e tij me rastin e Mbledhjes Plenare
të Akademisë Papnore të Shkencave Sociale që po zhvillohet në Vatikan mbi temën: “Dashuria
e Drejtësia në marrëdhëniet ndërmjet popujve e kombeve”. Ambienti e zhvillimi i
mundshëm që duhet mbështetur. Të drejtat e personit, mashkull e femër, të krijuar
në përngjasim të Hyjit. Barazia e oportunitetit në përfitimin e gëzimin e të mirave
shpirtërore, si edukimi e njohuria. Luftimi i varfërisë në botë përmes mekanizmave
të ri të financimit: këto për Papën janë tri “sfidat specifike që bota ka para vetes
e me të cilat duhet të përballohet”, sfida që kërkojn ë një impenjim të bindur të
drejtësisë e bamirësisë. Për t’i përballuar këto sfida, ripohoi më tej Papa, është
i domosdoshëm solidariteti ndërbrezënor që lind nga dashuria e brendshme e familjes,
e themeluar mbi një burrë e një grua, të krijuar në përngjasim të Zotit. Benedikti
XVI ripohoi më tej se për Kishën “drejtësia e bamirësia” janë të pandashme.