(02.05.07 RV)Do të marrë pjesë edhe sekretari i përgjithshëm i OKB-së, Ban
Ki-Mun në Konferencën ndërkombëtare për Irakun, në program për nesër e pasnesër në
Sharm El-Sheik të Egjiptit. Në takim, përveç kryeministrit irakian Al Maliki do të
marrin pjesë edhe ministrat e 5 anëtarëve të përhershëm të Këshillit të Sigurimit
të OKB-së, përfaqësues të G_8 dhe vendet fqinjë me Irakun. Në studim, një lloj Plani
Marshall për vendin e Gjirit Persik. Mbi konferencën rëndojnë dy probleme. Së pari,
marrëdhëniet ndërmjet Iranit dhe SHBA-ve. Duket sikur do të zhvillohet një lloj konference
e dytë, me të cilën mediat ka ditë që po luajnë. Së dyti, bota arabe duket se nuk
është akoma gati të lidhë marrëdhënie kaq miqësore me Irakun.
Bëhet
gjithnjë e më e vështirë në Izrael pozita e kryeministrit Olmert, pas publikimit
të raportit që dënon mënyrën e zhvillimit të luftës në Liban, gjatë verës së kaluar.
Përveç opozitës, edhe anëtarë të partisë së tij, Kadima kërkojnë dorëheqjen e kryeministrit.
Gjatë mbledhjes së jashtëzakonshme të Këshillit të Ministrave, Olmert premtoi sot
se do të korrigjojë gabimet, por nuk ka ndërmend ta lerë karrigen ku është ulur. Ndërkaq,
ministri i jashtëm Perez ka njoftuar se do të dalë nga skena politike.