Яшчэ перад пачаткам Новага году, у снежні, Папа Бенедыкт 16 накіраваў актуальнаму
старшыні Еўрасаюза , канцлеру Германіі Ангеле Меркель ліст аб заданні ліквідацыі
беднасці ў свеце.
У сувязі з Самітам вялікай Васьмёркі ў Хайлігендаме, дзе Германія як прымаючая краіна
мае намер уключыць у парадак дня праблему беднасці ў свеце і асабліва ў Афрыцы, Папа
зноў прыклікаў развітыя дзяржавы выканаць свае абавязкі ў адносінах краін 3 свету.
Святы Пасад зноў апублікаваў прыпомнены ліст, у якім, у прыватнасці, гаворыцца,
што ліквідацыя крайнай галечы да 2015 года з'яўляецца адной з найгалаўнейшых задач
часу. Прыпомнім тут, што 800 млнаў чалавек на Зямлі галадаюць. 6 чэрвеня кіраўнікі
вядучых краін свету спыняцца на гэтай язве чалавечага зграмаджання, якая нараджае
канфлікты і ўплывае на самую сутнасць жыцця чалавецтва. Удзельнікі Саміта прыслухоўваюцца
да парадаў кіраўніка Святога Пасаду. А Бенедыкт 16 канкрэтна ўказвае: для ліквідацыі
галечы неабходна прадставіць бедным дзяржавам выгодныя ўмовы гандлю, якія б далі
ім магчымасць выйсця на сусветныя рынкі. Папа указвае на неабходнасць хуткага, поўнага
і безумоўнага скасавання буйных задоўжанасцей слабаразвітых дзяржаў. Асобна кажа
пра чаканне буйных інвестыцый у галіну даследванняў і вырабу медыкаментаў для лячэння
СНІДу і іншых цяжкіх хвароб. Неабходна наладжванне медыцынскіх і фармацэўтычных даступных
тэхналогій, а таксама падрыхтоўкі спецыялістаў аховы здароўя на месцах. Напрыканцы
свайго пісьма, якое было накіравана спадарыні Меркель на Сусветны дзень міра і зараз
зноў публікуецца Святым Пасадам, Свяцейшы Айцец заклікае да спынення як легальнага,
так і нелегальнага гандлю зброяю, нелегальнага гандлю каштоўнымі элементамі сыравіны
і высмоктвання капіталу з бедных краін у багатыя. Папа Бенедыкт таксама заклікае
старшыню Еўрасаюзу прыкласці намаганні для стварэння ўмоваў добрага кіравання ў бедных
краінах, а таксама ліквідацыі адмывання грошай і карупцыі. Хрысціянскі лідар запэўнівае,
што вернікі розных краін гатовыя ўносіць свой уклад ў гэткую нялёгкую працу.