Меркаванне монс. Маркетто аб пастырскай працы ў аэрапортах.
“Мы лiчым, што абавязкам вернiкаў ёсць адказаць на тэрарыстычныя акты прабачэннем,
але справядлiвасць павiнна быць асягнута пры пасрэднiцтве адпаведнага юрыдычнага працэса.
У той жа час, мы ведаем, што iснуе доўг баранiць нас i ўсiх непавiнных асобаў, перад
усiм у аэрапортах… i не забывацца, што права чалавека павiнны захоўвацца”, - заявiў
монс. Агостiно Маркетто, Сакратар Папскай рады да спраў мiгрантаў i падарожнiкаў,
пад час ХХIII мiжнароднага семiнара каталiцкiх капеланаў, якi праходзiў з 23 да 26
красавiка пад дэвiзам “Дыялог пастырскай дзейнасцi ў аэрапортах, як супрацьстаўленне
тэрарызму”. “Мы разумеем, - зазначыў арцыбiскуп Маркетто, - што толькi рэпрэсiўныя
i караючыя метады не дастатковыя для супрацьстаўлення тэрарызму. Неабходна працаваць
разам, каб асягнуць эфектыўных рэзультатаў”. Падкрэслiўшы неабходнасць таго, каб
прыхiльнiкi вялiкiх рэлiгiй свету “працавалi разам у галiне супрацьстаўлення тэрарызму,
захоўваючы i распаўсюджваючы павагу да праў народаў”, ватыканскi дастойнiк выказаў
пажаданне, каб згаданы семiнар даў магчымасць выпрацаваць агульны план дзеянняў у
гэтай галiне ў будучынi.