Shpresohet dialog SHBA-Siri-Iran në Konferencën mbi Irakun
(30.04.07 RV)Pritet me padurim në të gjithë botën, konferenca ndërkombëtare
mbi Irakun, e cila do të mbahet më 3 e 4 maj në Sharm El Sheik të Egjiptit. Shpresohet
që gjatë saj të fillojë një dialog i frytshëm ndërmjet SHBA-ve, Sirisë dhe Iranit.
Sekretarja e Shtetit amerikan, Kondolica Rajs është treguar e gatshme për një takim
me homologun e saj iranian. Ndërkaq, në Irak tensioni mbetet i lartë. Katër ushtarë
amerikanë kanë humbur jetën gjatë fundjavës në Bagdad. Gjatë muajit prill janë vrarë
mëse 100 amerikanë. Që nga fillimi i konfliktit numri ka arritur në mbi 3.300.