E diela IV e kohës së Pashkëve “C”: Fotografija e bariut të mirë e të kullotave
(28.4.07. RV)Te dashur vellezer e
motra, jemi ne te djelen IV te kohes se pashkeve. Liturgjia e Fjales na paraqet Krishtin
si Bariu i mire. Kjo e diele zakonisht quhet ne traditen e Kishes edhe e diela e Bariut
te Mire. Ne te tria vitet Liturgjike, A,B,C, lexohet kapitulli X-të i Ungjillit te
Gjonit ne pjese te ndryshme te tij. Ne kete kapitull Krishti flet per veten e tij
si Bariu i Mire. Sigurisht nga viti ne vit ngjyrimet jane te ndryshme por ajo qe
mbetet e pandryshueshme eshte kjo lidhje e brendshme dhe jo vetem funksionale ndermjet
grigjes dhe Bariut te Mire. Ja leximet biblike te kesaj se diele: Vap 13,14.43-53;
Ps 100(99); Zb 7,9.14-17; Gjn 10,27-30. Nga Ungjilli ne mesojme se Krishti
nuk eshte nje rrogetar, por Bari. Te njejten gje duket sikur ai e pretendon nga Pjetri
dhe te gjithe barinjte tjere qe u besoi grigjen e tij, sikur dëgjuam te dielen e shkuar
në pjesën e Ungjillit, kur ju shfaq Dishepujve ne Bregun e detit te Tiberiadit. Kështu
në pjesën e Ungjillit te dieles se kaluar, per tri here rresht Jezusi i beson grigjen
e tij Pjetrit, duke i dhene atij kete detyre baritore se ciles ai nuk mund t'i ike
me. Por Pjetri bashke me dishepujt e tjere eshte i thirrur qe te kullose grigjen e
tjeterkujt, jo te veten. Ne kete kuptim ata do te jene vetem administratore ( prijës)
te grigjes se Krishtit, e jo si rrogetare por sipas shembullit te Bariut te Mire qe
jep jeten per dele e veta. Krishti eshte modeli dhe frymezimi per barinjte e Kishes
te te gjitha koherave. Thame ne fillim se ndermjet Krishtit dhe grigjes ekziston
nje lidhje e brendshme dhe jo vetem vartesie e jashtme. Po cilat jane tiparet e kesaj
lidhjeje qe na shfaqen ne pjesë ungjillore të kesaj së diele? Ne gojen e Jesusit
ungjilltari vendos fjalet: “Delet e mia e degjojne zerin tim dhe une i njoh e ato
me ndjekin”. “Delet e mia e degjojne zerin tim...”.E degjojne sepse ne rradhe
te pare jane bere te afta te degjojne zerin e krijuesit te tyre. Ne fakt tani ai ze
eshte i ri. Ne kopeshtin e Edenit ai ze qe e thirri Adamin, pas mekatit origjinal
e beri ate te fshihej, kurse tani ne epoken e re te peruruar nga Krishti, mekati nuk
ka me vend keshtu qe krijuesi dhe krijesa shihen ballafaqas. Por degjimi eshte i lidhur
ngushte me degjesen, me bindjen. Per te degjuar eshte shume e nevojshme më parë te
heshtesh, t'i krijosh hapesire te brendshme ketij zeri qe te hyje dhe te zere vend
brenda shpirtit tone. Zeri i Bariut te Mire eshte i pranishem dhe tingellon fort ne
Fjalen e tij e si rrjedhoje ne jeten dhe ne traditen e gjithe Kishes e te gjitha koherave.
Ne menyre te veçante ky ze tingellon ne lidhjen e brendshme te cdo njeriu me
Zotin, nepermjet bashkebisedimit me Hyjin, ne ate qe ne e quajme lutje. Zeri i Bariut
te Mire na flet sikurse i foli Moisiut, profeteve dhe ne nje menyre te padegjuar me
pare, vete Jezusit ne jeten e tij tokesore. Zeri i Bariut te Mire eshte zeri i Hyjit,
sepse Ai dhe Ati jane nje gje e vetme. Per te degjuar sa me mire zerin e Hyjit
eshte e nevojshme ta dallosh ate nga zera te tjere qe jane te pranishem ne jeten tone
te perditshme. Ne zhurmen qe na rrethon shpeshhere e ngaterrojme zerin e tij me zerin
e vetvetes apo me zerin e shume sirenave qe joshin jeten tone me qellim qe ta na largojne
nga Zoti, me premtimin e nje jete me te lehte dhe me te mire. Sa here zeri i vetvetes
ngaterrohet me zerin e Zotit. Lypet vëmendje sepse nuk eshte e lehte ta dallosh gjithmone.
Sa here ndoshta edhe ne meshtaret degjojme vetem jehonen e zerit tone qe perplaset
ne muret e egoizmit dhe te krenarise? E sa e sa here zera te tjere simulojne apo mbysin
zerin delikat te Bariut te Mire i cili nuk imponohet, por na ofrohet e propozohet.
E verteta eshte se zeri i tij nuk mund te ngaterrohet me asgje tjeter, me asnje
ze tjeter ne kete bote, pasi zeri i tij na flet “...me autoritet...” per dashurine,
jeten, dhurimin e vetvetes, drejtesine dhe paqen. Eshte e nevojshme atehere “...te
degjojme sot zerin e tij e te mos e ngurtesojme zemren tone...”. “...une i njoh
e ato me ndjekin.” Bariu i Mire i njeh delet e veta, i njeh ne brendine e tyre. Ai
njihte mire Pjetrin dhe dishepujt e tjere. Zoti e njeh mire njeriun sepse e ka krijuar
dhe e ka bere te afte ta njohe edhe ai Zotin. Njohja qe Zoti ka per ne eshte nje njohje
personale. Na njeh secilin per emer dhe nuk na ngaterron me njeri tjetrin. Ai e di
kush jemi “...na njeh dhe na shqyrton. E di kur çohemi dhe kur ulemi”. Na ka njohur
para se te ishim, para se te lindnim. Zoti na njeh edhe ne skutat me te
erreta te jetes sone, sepse ai eshte arkitekti i ketij tempulli ne te cilin ka vendosur
te banoje “Ju jeni tempull i Shpirtit te Shenjte” na thote shen Pali. Ai na njehe
edhe ne ato permasa qe per te tjeret jane te padukshme, te panjohura e te pashqyrtueshme.
Vetem ai e di se çfare ka brenda zemres se nje njeriu. Por ai eshte delikat ne njohjen
e tij. Nuk na dhunon ne lirine tone. Nuk eshte nje sy qe kontrollon gjithcka per te
sunduar. Por eshte nje Ate qe njeh per te dashur. Duke na njohur ai na therret ne
emer, sikurse thirri dishepujt e tij. Na beson misionin qe ai ka menduar per ne në
amshim dhe qe ai e di mire se ne mund ta kryejme, por gjithashtu ai duke na njohur
mire, di te fale brishtesine tone e te na çoje aq here sa biem, per shkak te dobesise
sone e në saje të dashurisë. Askush nuk eshte anonim para syve te tij, askush
i panjohur, askush pa identitet. Madje Ai na njeh nga brenda jetes sone. Shen Tereza
e Aviles e krahason njeriun e shpirtin e tij me nje keshtjelle me shume dhoma. Ne
qender te Keshtjelles eshte vete Princi, Mbreti. Ja çfare dinjiteti te madh i ka dhene
Zoti njeriut. Vetem duke degjuar zerin e tij dhe duke e ditur se ai na njeh
mire, eshte e mundur qe ne te shkojme pas tij sikurse Pjetri ne pjesën e Ungjillit
të se dieles se kaluar. Te dashur vellezer e motra! Edhe nje tjeter persiatje
per kete te diele IV te kohes se pashkeve. Eshte nje e djele ne te cilen ne menyre
te vecante jemi te thirrur qe te lutemi per thirrjet. T'i kerkojme me kembegulje hyut
qe te na dergoje Barinj e barinj te mire, sipas zemres se tij. Se pari detyre e bashkesise
eshte te lutet per ata qe tashme jane vendosur si barinj ne Kishe, Ipeshkevinjte dhe
meshtaret. Meshtetja nepermjet lutjes eshte me e mira qe mund t'u jepet meshtareve
dhe ipeshkevinjeve ne misionin e tyre te veshtire dhe shume te larte, ne shermbim
te Zotit dhe te Kishes. Sidomos kjo behet e nevojshme ne vendin tone ne te cilin ende
ka veshtiresi per ushtrimin e deyres se ipeshkevit dhe te meshtarit. Larmia
e madhe qe ekziston ne vendin tone duhet te na shtyje t'i kerkojme Zotit hirin e impenjimit
te perbashket per shpalljen e Ungjillit si qellimi jetesor i Kishes dhe i ekzistimit
te cdo meshtari e ipeshkevi sebashkeu me te gjithe besimtaret. Te kemi per zemer gjithmone
edhe shenjterine e meshtareve dhe te ipeshkevinjeve qe aktualisht punojne ne Shqiperi. Gjithashtu
te dashur miq, t'i kerkojme me kembengulje Hyut thirrje te reja ne meshtari. Nese
do te lutemi per te rinjte tane dhe do t'u japim atyre me shume besim dhe ti kutpjme
me thelle ata atehere do te jete e mundur qe te kemi thirrje. Ne kemi shembuj meshtaresh
te mrekullueshem qe kane lare rrobat e tyre me gjakun e qengjit, qe kane qene deshmitare
te Krishtit me jeten dhe vuajtjet e tyre. Eshte e pamundur qe gjaku i tyre te jete
derdhur kot. Thirrjet duhet te jene nje frut i pashmangshem i gjakut te meshtareve
shqiptare ne periudhen e kaluar. Nese do te dine te jene meshtaret dhe ipeshkevinjte
shembull per te rinjte, e te gjithe besimtret do t'i shoqerojne me lutjet e tyre,
sigurisht do kemi meshtare. T'i lutemi Zotit ne menyre te vecante per seminarin
e Shkodres qe te jete shtepia e te gjithe atyre qe nga veriu ne jug i Shqiperise te
gjejne ngohtesine e shoqerimit drejt vendimeve te gezueshme per jeten e tyre. Te
dashur vellezer e motra, t'ja besojme jeten tone Bariut te Mire. Askush nuk mund te
na shkepuse nga duart e tij, sepse askush nuk mund te na ndaje nga dashuria e tij.
Amen.