23 красавiка Прэзiдэнт Украiны Вiктар Юшчанка падпiсаў указ аб падрыхтоўцы яго вiзiта
ў Ватыкан i Iтальянскую Рэспублiку 7-8 траўня бягучага года. Як паведамляе Дэпартамент
iнфармацыi УГКЦ, 7 траўня а 10 гадзiне ранiцы Прэзiдэнт Украiны спаткаецца з Дзяржаўным
Сакратаром Ватыкана кардыналам Бертоне, а 11 гадзiне ён будзе прыняты Свяцейшым Айцом
Бенедыктам XVI°. З моманту, калi Прэзiдэнт Юшчанка пакiне дзяржаву Ватыкан, пачнецца
яго афiцыйны вiзiт у Iтальянскую Рэспублiку, пад час якога ён спаткаецца з Прэзiдэнтам
Iталii Джорджам Наполетано. У рамках падрыхтоўкi да вiзiта 24 красавiка, у памешканнi
Украiнскага каталiцкага цэнтра iмя св. Сафii ў Рыме, адбылася сустрэча намеснiка кiраўнiка
пратакольнага аддзела Прэзiдэнта Украiны i супрацоўнiкаў пасольства Украiны ў Iталii
з кiраўнiцтвам згаданага цэнтра. У праграме вiзiта запланавана наведванне Вiктарам
Юшчанка храма св. Сафii, наведванне музея вядомага ўкраiнскага кардынала Язэпа Слiпога,
спатканне з прадстаўнiкамi рэлiгiйных i грамадскiх арганiзацый Iталii.