Lutja e Benediktit XVI drejtuar Mbretëreshës Qiellore në Pavi.
(22.04.2007 RV)Pak para mesdite, në sa përgatitej të thoshte lutjen e Mbretëreshës
qiellore, Benedikti XVI i përshëndeti dhe i falënderoi të gjithë. Një përshëndetje
të posaçme - të rinjve e të rejave të pranishëm me shumicë në kremtim. Ati i Shenjtë
i uroi ta zbulojnë gjithnjë më shumë gëzimin që buron nga ecja në gjurmët e Krishtit
dhe i ftoi të bëhen miq të Jezusit: “Ky gëzim më ka shtyrë edhe mua të shkruaj
librin ‘Jezusi i Nazaretit’, që sapo është botuar. Për më të rinjtë është shumë impenjativ,
por simbolikisht po jua dorëzoj juve, që të shoqërojë rrugën e fesë të breznive të
reja”- tha Papa dhe në vijim kujtoi se sot në Itali kremtohej Dita e Universitetit
Katolik të ‘Zemrës së Krishtit’. Përkujtim domethënës – nënvizoi Ati i Shenjtë - sepse
Universiteti Katolik, pikëmbështetje për gjithë bashkësinë kishtare, jep edhe një
kontribut të rëndësishëm shkencor, kulturor e mësimor për mbarë vendin.Së fundi, Benedikti
XVI ia besoi zemrës së Zojës së Bekuar secilin besimtar dhe mbarë dioqezën e Pavisë.