Пасхальныя яйкі , якія раздаваліся на хрысціянскіх багаслужбах, упрыгожваюць дамы
індыйцаў. Прычым, не толькі нешматлікіх пакуль вернікаў, але і прадстаўнікоў іншых
рэлігій. На знак салідарнасці людзі розных веравызнанняў прысутнічаюць у гэты перыяд
у каталіцкіх храмах.
Так, у Нью-Дэлі пасхальную багаслужбу ўзначальваў прэзідэнт нацыянальнай Біскупскай
Канферэнцыі кард. Тэлесфор Топпо. "Уваскрасенне Хрыста - гэта цэнтральная падзея
хрысціянства. Хрыстус Ўваскрослы адкрыў нам , што любоў і ахвяра навяртаюць нас".
Кардынал прыклікаў усіх жыхароў дыяцэзіі жыць новым жыццём - у духу адзінства, міра
і праўды. Асабліва зараз, у абліччы пагрозаў тэрарызму, якому неабходна супрацьставіцца
па хрысціянскіх запаветах. Пасха - гэта святло, якое рассейвае цемру ўнутры чалавецтва.
Яна супрацьставіцца злу - як у абліччы тэрарызму, так і ў абліччы разнастайных культаў,
у прыватнасці, культу асобы. Дык кардынал прыклікаў усіх сваіх вернікаў смела аб'яўляць
вялікую пасхальную навіну . " Хто веруе ў Госпада Ўваскрослага, павінен мець мужнасць
заяўляць пра гэта цэламу свету. Мы павінны падзяляць надзею, паходзячую з Яго Ўваскрасення,
з усімі тымі, хто яшчэ не ведае Хрыста." Індыйскі кардынал запрасіў усіх вернікаў
не мець страху і аб'яўляць вялікія падзеі, спалучаныя з Эвангельскім дабравешчаннем
усім людзям на Зямлі.